Që nga nisja e pandemisë në Shqipëri në datën 9 mars, situata po monitorohet me video konferenca, si një masë lidhur me izolimin e virusit. Ndryshe nga zyrtarët e tjerë, që nga shpallja e emergjencës, Shkëlqim Hajdari nuk e ka ndjekur situatën me telefon.
Shkëlqim Hajdari është ndër të paktët drejtues të institucioneve të larta, që ka vendosur të inspektojë personalisht të gjitha objektet e rëndësisë së veçantë dhe bizneset kryesore në gjithë territorin e vendit. Inspektimet kryen për të verifikuar zbatimin e masave kundër koronavirusit për punonjësit, por dhe qytetarët që marrin shërbimet.
Një ditë më parë, z. Hajdari ka inspektuar Doganën e Morinës, pikën kryesore që lidh Kosovën me Shqipërinë, ku qarkullojnë mallrat në ditët e bllokimit total.
Pas inspektimit, Shkëlqim Hajdari shkruan në rrjetet sociale se Dogana e Morinës është shembull për zbatimin e ligjit.
https://www.facebook.com/shkelqim.hajdari.31/videos/2923067044435706/
“Dje, në Qarkun e Kukësit, për të parë nga afër zbatimin e masave, për mbrojtjen nga Covid 19. Dogana e Morinës dhe qyteti i Kukësit, shembull i zbatimit rigoroz të ligjit. Inspektorati i Shëndetësisë dhe AKU, në krye të detyrës. Së bashku do ja dalim!”, përfundon reagimi i tij.
