17 persona pjesë e një organizate kriminale, kanë rënë në prangat e policisë italiane gjatë mëngjesit të sotëm. Mediat italiane bëjnë me dije se operacioni i koduar ‘Rruga e Detit’ është zhvilluar pak para agimit, mes Sardenjës, l’Emilia-Romagna dhe Shqipërisë.
Të arrestuarit janë shtetas shqiptarë dhe italianë të cilët akuzohen për ‘Përfshirje në organizatë kriminale’, ‘Trafik ndërkombëtar lëndësh narkotike’, ‘Shpërndarje droge’ etj. Operacioni u krye nga Departamenti Territorial i Policisë së Olbia, në koordinim me Drejtorinë e Përgjithshme të Antimafias të Cagliarit dhe të Antiterrorizmit.
