7 shqiptarë dhe 2 italianë janë arrestuar nga policia italiane, pasi akuzohen për trafik të lëndëve narkotike. Sipas mediave fqinje, 6 prej tyre janë vënë nën pranga, 1 në arrest shtëpiak dhe 2 të tjerë nën urdhër e detyrim paraqitje.
Operacioni i koduar “Sabbia 2 ” (Rëra 2) ka zbardhur lidhjet e këtij grupi kriminal me mafiozin Valerio Navarra, i cili i përket klanit Zungri të mafias kalabreze Ndrangheta. Bosi mafioz ishte pronar i një picerie të njohur në qytetin e Pistoias.
Hetimet e operacionit janë drejtuar nga prokurorja e Firenzes Giuseppina Mione dhe kanë zgjatur nga tetori i 2018 deri në mars të 2019.
Operacioni është zhvilluar në qytetet e Firenze, Pistoia, Pisa e Vibo Valentia.
