21 shqiptarë dhe 6 italianë janë kapur nga Antidroga italiane, me akuzën e ‘trafikut ndërkombëtar të drogës’, ‘trafik ndërkombëtar armësh’ e ‘materiale luftarake’. Për arrestimin e 27 personave, hetimet e këtij operacioni kanë zgjatur mbi 2 vjet.
Në operacionin në fjalë kanë marrë pjesë mbi 100 efektivë policie.
Operacioni i Policisë së Leçes nën komandën e Drejtorisë së Përgjitshme të Romës, çoi në shkatërrimin e 4 grupeve kriminale italo-shqiptare, me bazë operative në provincën e Leçes, por me aktivitet të shtrirë në disa rajone italiane Calabria, Toscana, Emilia Romagna, Sicilia, Liguria, Lombardia.
