Një grup trafikantësh të lëndëve narkotike është goditur nga policia italiane, e për pasojë kanë rënë në pranga dy shqiptarë dhe dy italianë.
Ata ushtronin aktivitetin e tyre kriminale në provincën e Massa Carrara. Gjatë kontrollit, autoritetet iu sekuestruan 4 kilogramë kokainë e pastër dhe disa mijëra euro. Të arrestuarit janë të moshës 30 deri në 35-vjeç.
Sipas mediave vendase, policët u shtirën si çiklistë për të mësuar se ku e fshihnin drogën trafikantët, e cila vinte nga Lombardia.
Katër personat e merrnin më pas me makinë dhe e dërgonin në një apartament në Marina di Massa dhe e ruanin të fshehur nën një dyshek, ndërsa shtëpia ruhej me roje.
