Ditën e sotme policia greke ka zhvilluar një operacion në Selanik, ku janë sekuestruar 2 kg kokainë dhe 1.5 kg kanabis.
Raportohet se në pranga kanë përfunduar katër shqiptarë dhe një grek… të moshës 26 deri në 54 vjeç.
Midis të arrestuarve është një çift shqiptar, burri 35-vjeçar dhe gruaja e tij 26-vjeçare, të përshkruar nga policia si drejtues të grupit kriminal.
Droga është gjetur në një banesë, ku një pjesë e saj ishte fshehur në një oxhak.
Efektivët e policisë gjatë operacionit u ndihmuan nga një qen, i cili zbuloi lëndën narkotike të fshehur.
Përveç drogës, janë konfiskuar shuma prej 67,000 euro, dy pistoleta me 17 fishekë, si dhe tre makina, shkruan “abcnews”.
