Një bandë shqiptare me 11 persona kanë rënë në pranga e policisë franceze pas një operacioni të zhvilluar në Montpellier. Shqiptarët akuzohen për të paktën 70 vjedhje, ndërsa operacioni për t’i arrestuar ka ardhur pas disa kohësh hetimesh dhe ndjekjesh të lëvizjeve të tyre.
Pas arrestimi policia ka arritur që të sekuestrojë edhe rreth 400 sende të vjedhur, bizhuteri, makina, madje janë konfiskuar edhe armë.
Për arrestimin e tyre janë angazhuar 130 forca policore pasi kishte informacione se ata ishin të armatosur. Identitet e personave të arrestuar nuk janë bërë të ditur, ndërsa thuhet se ka patur edhe minorenë.
Operacioni u kodua “Alba 34”.
Xhandarët e disa njësive të kompanive të grupit të Herault-it i kanë vëzhguar personat e dyshuar gjatë muajve të fundit. Prona dhe apartamente në perëndim dhe lindje të Montpellierit ishin plaçkituar nga grupi, që po mbahej në vëzhgim nga Policia. Mediat raportonin se vjedhjet ishin realizuar edhe në qytetet Saint-Georges-d’Orques, Saint-Gély-du-Fesc, Grabels, Juvignac, Pignan, Crès, Vendargues, Castries, Saint-Drézery, Sussargues, Beaulieu etj.. Autorët e ngjarjes ishin strehuar në tarracat e dy vilave që ishin braktisur nga pronarët, nga ku studionin zonën, si dhe kishin marrë dy dhoma në një hotel pranë Rue Bonnard.
Prej disa javësh, të dyshuarit ishin identifikuar dhe vendosur nën monitorim në mënyrë diskrete, derisa u realizua arrestimi i tyre, gjatë operacionit të koduar “Alba 34”.
