Kreu i Prokurorisë Lushnje, Arben Dyla, është shkarkuar për shkak të problemeve me pasurinë. Ai u gjend në zyrën e kryebashkiakut të Lushnjës, Fatos Tushe, në momentin që policia e arrestoi atë me urdhër të SPAK-ut pas dyshimeve për shpërdorim të detyrës.
Arben Dyla është shkarkuar nga shkalla e parë e Vettingut për shkak të problemeve me pasurinë. KPK shkarkoi Dylajn pas debateve të seancës së kaluar 2 ditë më parë.
Ai i ka dhënë një shtetasi 50 mijë euro hua, kontratë për 5 vite. Shtetasi A. K., ka marrë 50 mijë euro nga prokurori me interes 2 % mbi kapitalin. Kjo do të thotë që huamarrësi do t’i paguante prokurorit 60 mijë euro interes ose 110 mijë euro për 5 vite, pra 60 mijë euro mbi huanë e marrë. Prokurori ka sqaruar se shtetasi A. K., nuk merrte dot kredi në bankë se i kishte të bllokuara, dhe ai e ka ndihmuar.
Sipas kontratës të lidhur mes palëve në vitin 2016, deri në fund të vitit 2021, biznesmeni duhet t’i kthente Dylës shumën prej 110 mijë eurosh. Si garanci për shlyerjen e shumës, ai kishte lënë një apartament, në të cilin jetonte prokurori, ç’ka bëri të ngriheshin dyshime për një kontratë fiktive.
