Dy lëvizje të rëndësishme kanë ndodhur së fundmi në kabinetin qeveritar, ku janë shkarkuar sot nga detyra dy drejtuese të larta. Konkretisht, janë shkarkuar Drejtoresha e Doganave Belinda Ikonomi dhe Drejtoresha e Tatimeve Vasilika Vjerro.
Arlind Gjokutajt i është besuar posti i drejtorit të Doganave, duke zëvendësuar kështu Ikonomin, ndërsa Vjerro do të zëvendësohet nga Enton Duro, drejtor në ministrinë e Financave.
Belinda Ikonomi do të bëhet zëvendës ministre e Ekonomisë, ndërsa nuk dihet nëse edhe Vjerro ka marrë një tjetër post me rëndësi, pas shkarkimit.
