Në kohën kur Rama nuk lëkundet nga qëndrimi se zgjedhjet do mbahen në 30 qershor, e nga ana tjetër, opozita e bashkuar e kundërshton fort këtë gjë, presidenti Meta jep mesazhin e radhës. Në komentin e postuar në Facebook, ai bën me dije se vendi ynë ka nevojë për reflektim, dhe përgjegjësi maksimale nga të gjithë aktorët politikë.
Në këtë formë, Presidenti i Republikës, Ilir Meta, i ka dhënë përgjigje indirekt maxhorancës që ka nisur seancën e mocionit për shkarkimin e tij.
“Shqipëria ka nevojë për reflektim dhe përgjegjësi maksimale nga të gjithë aktorët politikë!
Të mos humbasim këtë moment historik për të hedhur një hap përpara drejt Europës.
Të bëjmë çdo përpjekje për mos-shkëputjen nga përparimi i fqinjit tonë Maqedonisë së Veriut.
Çelja sa më parë e negociatave të anëtarësimit, detyrim historik për të gjithë ata që duan Shqipërinë si Europa!
