Komisioni i Ligjeve miratoi sot me 13 vota pro, 1 kundër dhe asnjë abstenim raportin e Komisionit me propozimin për Kuvendin e Shqipërisë, për ngritjen e një Komisioni për të hetuar shkeljen e Kushtetutës nga ana e presidentit Ilir Meta, për anulimin e 30 qershorit. Vota kundër është nga Adriatik Alimadhi, kryetar i Ballit Kombëtar.
Në prezantimin e kërkesës për ngritjen e Komisionit Hetimor është sqaruar se “Qëllimi është që të ngrihet një Komision Hetimor për shkelje të rëndë të Kushtetutës”.
Propozimi i Komisionit të Ligjeve për ngritjen e Komisionit Hetimor, do të diskutohet me debat në seancën e ardhshme të Parlamentit më 4 korrik.
