Deputeti që u përjashtua nga Grupi Parlamentar i PS-së në shtator të vitit 2018, Gjetan Gjetani e cilëson vendimin e presidentit Meta për të anuluar datën e zgjedhjeve vendore një akt për bashkimin e shqiptarëve dhe jo për ndarjen e tyre.
Po ashtu, Gjetani i bën thirrjet deputetëve të tjerë socialistë që të mos ndjekin kryeministrin Rama.
“I bëj thirrje kolegëve të mi socialistë që të mos ndjekin Edi Ramën në rrugën e tij për shkatërrimin e përçarjen e Shqipërisë. Dihet që Edi Rama është armiku i zgjedhjeve të lira e të ndershme prandaj nuk lejoi zgjedhje edhe në PS.
Dekreti i presidentit është një veprim për bashkimin e shqiptarëve dhe jo ndarjen e tyre, për zgjedhje të lira dhe jo për zgjedhje të kapura nga krimi, për integrimin dhe jo për izolimin e shqiptarëve.
Prandaj të bashkohemi te vlerat e vërteta dhe ta lëmë vetëm Edi Ramën në çmendurinë e tij për para e për pushtet dhe në greminën ku ai do të fusë vendin dhe socialistët e ndershëm.
Sot është koha që të zgjedhim të mirën për vendin dhe familjet tona dhe të largohemi nga e keqja që përfaqëson Edi Rama, i cili mendon vetëm për xhepin dhe pushtetin e vet dhe të krimineleve rreth tij”, shkruan deputeti.
