Ministri i Brendshëm, Bledi Çuçi tha sot se detyrat e Gledis Nanos për momentin do t’i ushtrojë nëndrejtori i përgjithshëm i Policisë, Tonin Vocaj dhe shumë shpejt do njoftonte dhe për emërimin e drejtorit të ri të Policisë së Shtetit.
Burimet bëjnë me dije se drejtori i ri i Përgjithshëm i Policisë së Shtetit do të jetë Muhamet Rrumbullaku, i cili aktualisht mban postin e drejtorit te Agjencisë për Mbikëqyrjen Policore, ish-SHÇBA-ja.
Sipas burimeve, Rrumbullaku e ka pranuar ofertën për të qenë drejtori i ri i Policisë së Shtetit.
Gledis Nano u emërua drejtor i Përgjithshëm i Policisë së Shtetit më tetor 2021, duke pasuar Ardi Veliun në këtë detyrë.
