Kina ka arrestuar kreun e një skeme mashtrimi lidhur me një vaksinë kundër Covid-19, që rezultoi të ishte vetëm ujë me kripë.
Personi i identifikuar si Kong, kishte kopjuar modelet e paketimit të vaksinave të vërteta dhe kishte sajuar mbi 58 mijë doza të tijat, shkruan BBC.
Një sasi e madhe e këtyre “vaksinave” janë kontrabanduar jashtë shtetit, por nuk dihet se ku janë dërguar. Kongu është vetëm njëri midis 70 personave të dyshuar që janë arrestuar për krime të ngjashme.
Sipas një vendimi të gjykatës, Kong dhe ekipi i tij fituan rreth 18 milion juan (apo 2.78 milion dollarë) duke vendosur tretësirë të kripur ose ujë mineral në shiringa dhe duke i shitur ato si vaksina anti-covid, që nga gushti i vitit të kaluar.
Organi më i lartë i ndjekjes penale të Kinës, Prokurori i Popullit Suprem ka nxitur agjensitë rajonale të bashkëpunojnë me policinë për të frenuar aktivitete të tilla.
