Një 59-vjeçar është arrestuar në Francë, pasi kishte vënë në shitje në internet materiale të skaduara mbrojtëse kundër koronavirusit.
Sipas mediave franceze, xhandarmëria zbuloi 9,400 maska, 3.300 doreza, 80 shishe me 150 ml xhel hidroalkoolik dhe 14 shishe me 500 ml xhel hidroalkoolik, të skaduara, që shiteshin në faqen “Le Bon Coin”.
Mashtrimi u zbulua pas një vëzhgimi në faqet e shitjeve në internet nga xhandarët e zyrës së inteligjencës së grupit të xhandarmërisë në Somme. Personi 59-vjeçar u arrestua dhe u vendos në arrest policie me udhëzimin e prokurorisë Beauvais.
