Shira të dendur kanë përfshirë gjithë vendin, duke krijuar përmbytje në disa qytete të ndryshme.
Vërshimi i ujit në zonën pranë stadiumit të futbollit “Niko Dovana”, në Durrës, ka vështirësuar qarkullimin, por me pakësimin e reshjeve të shiut, situata është normalizuar.
Ndërkohë në Gjirokastër është shfaqur një situatë edhe më emergjente. Shtrati i Përroit të Çullos është rritur, duke rrezikuar përmbytjen e disa banesave.
Ndonëse ekipet e emergjencave të bashkisë kanë filluar ndërhyrjen me ekskavatorë, rreziku paraqitet i madh. Gjithashtu mësohet se në Lazarat, të ketë dalë nga shtrati përroi i Sopotit duke izoluar lagjen Lënxat.
