Ndaj Betisit ishte një Barcelonë e bukur dhe spektakolare, e aftë për të thyer agresivitetin e të zotëve të shtëpisë dhe për të goditur në mënyrë kirurgjikale me pak raste të krijuara.
Valverde zbret një ekip që mbrohet mirë, duke mos u zënë në befasi si në humbjen e sfidës së parë. Coutinho qëndroi në stol dhe Vidal në fushën e lojës. Lexim i mirë i lojës nga Valverde, sepse Betis lufton në gjysmëfushën e Barcelonës dhe me presing të lartë. Diga përpara Ter Stegenit ia del pa gabuar, ndërsa për pjesën tjetër mendon Messi.
Goditje spektakolare e një faulli jashtë zone dhe topi që ndalet në rrjetë në tentativën e parë. Betis luan mirë dhe krijon raste nga e majta, por dyshja Messi-Suarez bëhet vrastare në fundin e pjesës së parë. “Pleshti” del i vetëm përballë portierit pas një kombinimi perfekt dhe e dërgon topin në rrjetë.
“Magjisë” të argjentinasit nuk i kanë rezistuar as tifozët vendas, të cilët pas shënimit të golit të tretë, kanë duartrokitur dhe kanë thirrur në kor emrin e Messit.
👏👏👏 ¡Imposible no aplaudir! Así reaccionó la hinchada del Betis ante la exhibición de Messi con el Barcelona pic.twitter.com/7jgWSGcual
— GOAL en español (@Goal_en_espanol) March 17, 2019
