Mjeku, Renato Osmenaj, i njohur në rrjetet sociale me emrin ‘Xhaxhi doktori’, i jep të drejtë kryetarit të PD, Lulzim Basha lidhur me manipulimin e shifrave lidhur me pandeminë Covid-19.
Sipas mjekut, shifrat i manipulon qeveria dhe jo spitali.
“Babe! Shifrat i manipulon qeveria jo spitali! Ne jemi në punë 24 orë në ditë, por pa keqardhje po të them se Basha ka të drejtë! Edhe unë në infektiv punoj”, shkruan mjeku Osmenaj.
Mbrëmjen e kaluar, kryedemokrati tha se për periudhën mars-tetor kanë ndërruar jetë 923 persona nga Covid-19, nga 599 që ka raportuar Ministria e Shëndetësisë. Pas kësaj deklarate pati reagime të forta nga qeveria dhe mjekët, të cilët paralajmëruan se do të denoncojnë kreun e PD.
