Italia vijon të regjistrojë shifra të frikshme sa i takon situatës epidemiologjike të Covid-19.
Në 24 orët e fundit, vendi fqinj ka regjistruar 28.244 raste të reja pas kryerjes së 182,287 tamponëve.
Edhe numri i të viktimave është rritur, pasi 353 persona kanë humbur betejën me virusin, duke e çuar në 39,412 numrin e përgjithshëm të viktimave që nga fillimi i pandemisë.
Të shëruarit në 24 orë janë 6,258 duke e çuar në 302,275 numrin e përgjithshëm.
Rajoni më i nxehtë mbetet Lombardia me 6,800 raste të reja, më pas është Campania me 3 mijë raste, dhe Lazio me 2,209.
