Vranësira dhe reshje shiu e dëbore dominojnë pjesën më të madhe të vendit. Sipas parashikimit të Meteoalb, reshjet e shiut e të dëborës do të vijojnë deri vonë në mbrëmje. Më pas moti do të përmirësohet në Perëndim, ndërsa me reshje dëbore vijojnë zonat lindore, të cilat zbresin pranë zonave të ulëta. Nata kthjellon gradualisht motin, thuajse në të gjithë vendin.
Temperaturat e ajrit ulen me 2-3 gradë në mëngjes dhe mesditë, por rënia e ndjeshme vijon kryesisht gjatë natës.
Era do të fryjë mesatare me shpejtësi deri në 30 km/h nga Perëndimi, duke gjeneruar në det dallgëzim 3 ballë.
