Një 29-vjeçar shqiptar është dënuar me 10 vite burg nga një Gjykatë në Britaninë e madhe, pasi në shtëpinë e tij, u gjetën 5 kilogram kokainë, me vlerë 1.1 milion paund dhe një armë me 20 fishekë. Madje, një pjesë të kokainës, ai e kishte fshehhur në krevatin e fëmijës së tij.
Muhamet Qosja, u arrestua në tetor të vitit 2019, nga Oficerët nga Partneriteti i Krimit të Organizuar, dhe Shërbimi i Policisë Metropolitane, teksa ndiqnin makinën e tij, shkruan Nationcal Crime Agency.
Qosja u tha oficerëve se ai kishte jetuar në Britaninë e Madhe në mënyrë të paligjshme që kur mbërriti nga Shqipëria në vitin 2014, dhe ai kërkoi në mënyrë aktive punë si një shpërndarës droge, pasi e dinte se ‘paguhej mirë’.
Gjatë seancës së tij gjyqësore, kryeinspektori Toni O’Sullivan tha: Qosja kishte hyrë ilegalisht në Mbretërinë e Bashkuar dhe se po shpërndante në mënyrë aktive drogë të klasit A në emër të një grupi të krimit të organizuar.
