Detaje të reja kanë dalë në dritë lidhur me sherrin që ndodhi mbrëmjen e djeshme në Bulqizë, ku disa persona, pasi kishin konsumuar alkool, janë konfliktuar me njëri-tjetrin.
Burime për “Dosja.al” bëjnë me dije se i plagosuri është vëllai i kryetarit të Bashkisë Bulqizë, Vangjel Alla.
Alla ka qenë në lokal dhe është përfshirë në sherr, ku dhe ka mbetur i plagosur. Vëllai i kreut të Bashkisë Bulqizë, ka marrë mjekimin nga bluzat e bardha, ku dhe ndodhet jashtë rrezikut për jetën.
Policia bën me dije se nga veprimet hetimore të kryera deri tani, ka rezultuar se autori i kësaj ngjarje është shtetasi me inicialet I.D, 31 vjeç, banues në Bulqizë. Ky i fundit, sipas burimeve mësohet se ka precedent të mëparshëm kriminal. Ai është larguar nga vendngjarja së bashku me shtetasin D.S. 24 vjeç.
