Detaje të reja kanë dalë në dritë nga përplasja me armë zjarri që ndodhi në Shkodër, ku u plagos aksidentalisht kalimtarja L. Jeremija, 35-vjeç. Burime jo zyrtare bëjnë me dije se dy grupe të rinjsh, kanë qëlluar me armë në drejtim të njëri-tjetrit, ku dhe është plagosur aksidentalisht 35-vjeçarja, pasi ndodhej pranë tyre.
Mësohet se kanë qenë 5 persona të pajisur me armë zjarri. Në vendngjarje janë gjetur 10 gëzhoja, si edhe janë sekuestruar kamerat e sigurisë të bizneseve përreth.
Njoftimi i policisë
Me datë 05.02.2020, rreth orës 22:40, ne lagjen “Vasil Shanto”, Shkodër, në Pedonale, në rrethana ende të paqarta është plagosur me armë zjarri shtetasja L. J. 35 vjeçe, banuese në fshatin Golem, jashtë rrezikut për jetën.
Në vendngjarje ka mbërritur grupi hetimor, ku po punon për sqarimin e rrethanave të ngjarjes, identifikimin e kapjen e autorit/ve
Janë ngritur pika kontrolli dhe po bëhet krehja e zonës për kapjen e autorëve.
