Mediat italiane raportuan pasditen e djeshme se një avion i linjës Tiranë-Romë kishte bërë ulje emergjente në Pescara pas një sherri mes dy pasagjerëve.
Në fakt sherri kishte nisur mes dy personave të së njëjtës familje. Sipas Il Pescaras një 30 vjeçar shqiptar menjëherë sapo avioni ishte ngritur në fluturim në orën 16:45 kishte nisur të bërtiste dhe të kërcënonte udhëtarët e tjerë.
Menjëherë pas këtij momenti shqiptari kishte nisur të qëllonte babain e vet të moshuar, me të cilin po udhëtonte, ndërsa pavarësisht ndërhyrjeve të të pasagjerëve të tjerë ai ishte nervozuar më shumë.
Situata është qetësuar vetëm pasi një menaxher italian kishte nisur të bisedonte me shqiptarin duke e bërë që të tregonte problemet e veta përmes marrëdhënieve dhe teknikave ndërpersonale.
Avioni i kompanisë Blue Panorama ka bërë ulje emergjente në aeroportin e Pescaras, aty ku autoritetet policore kanë arrestuar 30 vjeçarin shqiptar dhe kanë dërguar në spital babain e tij.
