Për shkaqe pronësie, një i ri ka goditur me mjetin e tij një 66-vjeçar. Në prangat e policisë ka rënë 38-vjeçari me iniciale M.M., në qytetin e Kukësit. Ky shtetas ka goditur me automjetin e tij tip “Mitsubish Pajero” 66-vjeçarin me inicialet I.A., banues në fshatin Zahrisht, Has.
I dëmtuari është dërguar në spitalin e Kukësit, ku po merr ndihmën e parë mjekësore, ndërkohë që informacionet paraprake bëjnë me dije se është jashtë rrezikut për jetën.
Materialet hetimore i kaluan Prokurorisë pranë Gjykatës së Shkallës së parë Kukës, për veprën penale “Vrasja me dashje, mbetur në tentativë”.
