Tentativa për parakalim në autostradën Milot-Morinë, për pak sa nuk ka përfunduar në tragjedi. Një shtetas nga Kosova me iniciale S.B., i cili ka qenë duke drejtuar një automjet, ka tentuar të parakalojë bashkëkombasin e tij, I.R. Ky i fundit nuk e ka lejuar dhe kjo e ka nxehur shoferin tjetër. Burime zyrtare të policisë bëjnë me dije se shtetasi S. B., ka qenë duke udhëtuar me mjet dhe për shkak se shtetasi I. R. e ka penguar për të bërë manovrën e parakalimit, të dy kanë ndaluar mjetet te trau. Pas konfliktit të çastit, shtetasi I. R., ka tentuar të vrasë me mjet të mprehtë thikë, shtetasin S. B., 43 vjeç, banues në Fushë-Kosovë, duke e lenë të plagosur. Ky i fundit ndodhet jashtë rrezikut për jetën.
“Tentoi të vriste me mjet të mprehtë thikë një shtetas, pas një konflikti të çastit, vihet në pranga. Specialistët për Hetimin e Krimit në Komisariatin e Policisë Kukës arrestuan në flagrancë shtetasin I.R., 40 vjeç, banues në Podujevë, Kosovë.
Në autostradën Milot-Morinë, shtetasi S. B., ka qenë duke udhëtuar me mjet dhe për shkak se shtetasi I. R. e ka penguar për të bërë manovrën e parakalimit, të dy kanë ndaluar mjetet te trau dhe pas konfliktit të çastit, shtetasi I. R. ka tentuar të vrasë me mjet të mprehtë thikë shtetasin S. B., 43 vjeç, banues në Fushë-Kosovë, duke e lenë të plagosur.
Shtetasi S. B. ndodhet jashtë rrezikut për jetën. Ai u procedua në gjendje të lirë, pasi ka goditur me grushte shtetasin I. R., duke i shkaktuar dëmtime në fytyrë. Materialet hetimore i kaluan Prokurorisë pranë Gjykatës së Shkallës së Parë Kukës, në ngarkim të shtetasit I. R., për veprën penale “Vrasja me dashje”, mbetur në tentativë dhe në ngarkim të shtetasit S. B., për veprën penale “Plagosja e lehtë me dashje”, njofton policia.
