Ndonëse është përfolur për një përplasje mes Ardit Gjebreas në njërën anë, dhe Vera Grabockës e Alketa Vejsiut në anën tjetër, duket se “gjakrat” janë shuar mes palëve. Përflitej se konflikti ishte krijuar nga rivaliteti mes dy festivaleve të fundvitit, “Kënga Magjike” dhe “Festivali i Këngës në RTSH” , që këtë vit mban vulën e dyshes së njohur.
Madje, u përfol se mes Gjebreas dhe Grabockës ka pasur një zënkë brenda korridoreve të “Klanit”, në lidhje me një pjesë të stafit të rekrutuar për punë edhe tek festivali i fundvitit nga Vera dhe Alketa.
Por një postim i fundit i Alketa Vejsiut, ka shuar zërat për një sherr të mundshëm. Ajo ka qenë mbrëmë në Pallatin e Kongreseve, duke i dhënë mbështetjen e duhur “Këngës Magjike”.
