Zaimina Vasjari ka replikuar me një fanse të Tayna-s, pas një komenti të bërë në foton e kësaj të fundit.
Edhe pse është larguar prej kohësh nga muzika, Zaimina ka marrëdhënie të mira me shumë prej të famshmëve shqiptarë.
Tayna prej ditësh po shijon pushimet në Tajlandë, nga ku ka postuar shumë foto. Në një prej tyre, Zaimina i komenton reperes me një emoji të zjarrit, duke e komplimentuar për format.
Pikërisht në atë koment një fanse e Tayna-s i ka shkruar Zaiminës, të cilën e quan dështake.
“Zaimin mbarove t’u i bo marketing vetes në Instagram të Tayna-s. Tayna bëji bllok kësaj dështakes!”, ka shkruar fansja, ndërkohë që Zaimina nuk e ka lënë me aq, por i ka mbyllur gojën me përgjigjen e saj.
“Të bësh kompliment se sheh një femër të bukur dhe mbi të gjitha të talentuar nuk është marketing për veten. Po kaq horizont ke, nuk të vë faj. Sa për dështaken i kam 3 biznese të suksesshme, po ik merru bëj diçka për veten sa merresh në Instagram”, ia kthen Zaimina.
