Mbledhja e grupit të PS është shoqëruar me debate mes deputetit Ditmir Bushati dhe Taulant Ballës. Bushati ka kundërshtuar paketën ‘Anti-shpifje’, pasi sipas tij, cënohet liria e medias.
Ish-ministri i Jashtëm, Ditmir Bushati, ka kërkuar që të mos kalohet kjo paketë, pasi bie ndesh me rekomandimet e Këshillit të Europës.
Bushati është shprehur se ky ligj është i nxituar dhe nuk i duhet vendit në momentet që flasim, ndërkohë që Taulant Balla ka pretenduar se ky ligj është konsultuar me OSBE-në.
Bushati: Bie ndesh me Këshillin e Europës. Ata nuk e kanë kërkuar këtë ligj. Ne po nxitohemi që po bëjmë një ligj të tillë.
Balla: E dakordësuam me OSBE-në. Do ta miratojmë sot variantin e përmirësuar.
