Një biznesmen shqiptar është plagosur pasditen e djeshme pas një sherri në komunën Pratola Peligna, Itali.
Mësohet se biznesmeni është godituar në kokë me kaçavidë nga një shqiptar 48-vjeç, emri i të cilit nuk bëhet ende i ditur.
Sipas të dhënave të para policore, shkak i sherrit mes dy burrave dyshohet të ketë qenë nje grua.
Mediat italiane raportojnë se dy burrat janë takuar fillimisht pranë një ish-kinemaje, prej ku nisi edhe sherri mes tyre.
Ndërkohë, 50-vjeçari, ashtu i gjakosur ka mbërritur deri në banesë, duke lënë gjurmë gjaku në rrugë, gjë që bëri të mundur rindërtimin e skenës.
Agresori që është identifikuar nga policia u largua me makinë, ndërsa i plagosuri u dërgua për në spital.
