Një grua afgane ka qëlluar me thikë bashkëjetuesin e saj me kombësi afgane, mesditën e sotme në ambientet ku janë akomoduar në Shëngjin. 26-vjeçarja me inicialet Z.K., ka qëlluar me mjet prerës bashkëjetuesin e saj shtetasin M.K., 33 vjeç. Burimet bëjnë me dije se i plagosuri është dërguar në spitalin Rajonal të Lezhës.
“Më datë 23.10.2021, në Shëngjin Lezhë, në ambientet ku janë akomoduar shtetasit afganë, si pasojë e një konflikti të çastit, shtetasja afgane Z.K., 26 vjeçe ka plagosur dyshohet me mjet prerës bashkëjetuesin e saj shtetasin M.K., 33 vjeç, i cili është transportuar në spitalin Rajonal Lezhë, jashtë rrezikut për jetën”.
Grupi hetimor ndodhet në vendngjarje, dhe nën drejtimin e Prokurorisë së Rrethit Gjyqësor Lezhë, po punon për sqarimin e plotë të shkakut dhe rrethanave të ngjarjes.
Mbi 400 afganë u vendosën në Shëngjin në fillim të muajit shtator, pas marrëveshjes mes Shqipërisë dhe SHBA-së, për të ofruar siguri për afganët që lanë vendin e tyre nga kërcënimi i talebanëve.
