Konflikti mes dy familjeve në Berat ka përfunduar në përdorimin e thikave e për pasojë disa persona kanë mbetur të plagosur.
Ngjarja ka ndodhur në lagjen “Barrikada” të Beratit ku pjestarë të dy familjeve, për motive të dobëta po konfliktoheshin fizikisht me njëri-tjetrin duke përdorur mjete të forta e prerëse dhe për pasojë kishin marrë dëmtime disa shtetas të përfshirë në konflikt të cilët u dërguan në spital për ndihmë mjekësore.
Raportohet se konflikti kishte nisur për disa rrënjë ulliri.
Gjatë konfliktit, shtetasi K.Dh, ka plagosur rëndë me mjet prerës shtetasin A.A., i cili ndodhet në spital nën kujdesin e mjekëve.
Policia ka arrestuar K.Dh., 52 vjeç banues në Berat, si dhe u proçeduan shtetasit G.A., 46 vjeç, E.A., 44 vjeç, dhe M.Dh., 38 vjeçe.
Materialet i kaluan Prokurorisë së Rrethit Gjyqësor Berat për veprat penale për shtetasin K.Dh “Plagosje e rëndë me dashje” dhe “Plagosje e lehtë në bashkëpunim” për 3 shtetasit e tjerë.
