Sherr me Luanën gjatë emisionit? Zbulohet e vërteta e largimit të Veleshnjës

Pak ditë më parë u aludua se aktori i humorit Rezart Veleshnja, kishte pasur një zënkë me moderatoren Luana Vjollca, dhe për këtë arsye kishte lënë emisionin. Po si qëndron e vërteta?

Sezoni i ri i “Shiko Kush Luan” nisi me dy kapitenët, Florjan Binaj dhe Rezart Veleshnja. Ky i fundit u shfaq vetëm në puntatën e parë të emisionit. Vendin e Rezartit e ka zënë aktori tjetër i “Portokalli”-së, Irgen Çela, ose siç njihet ndryshe nga të gjithë “Xhoda”.

Sipas “Dosja.al”, moderatorja e emisionit dhe aktori kanë pasur një debat të fortë me njëri-tjetrin, dhe kjo ka bërë që Luana ta largojë Rezartin nga emisioni.

Për ti dhënë fund këtyre zërave, aktori ka reaguar sot në një postim në InstaStory, duke e quajtur të pavërtetë këtë lajm dhe duke treguar se ka qenë i zënë.

“Hahaha e ka emrin Luana o ti çun që ke këtë faqen dhe merr 40 mijë lek në muaj për të bërë lajme fake. Mëso emrat njëherë pastaj mashtro me lajme. Dhe s’ka asnjë sherr përveç kohës që kam qenë i zënë, palaço njerëz”, shkruan ai.