Një sherr masiv ka ndodhur në orët e para të mëngjesit në Elbasan, ku për pasojë ka ndërruar jetë 40-vjeçari Florian Lamçe.
Raportohet se gjatë sherrit u përdorën shishe, sende të forta dhe thika.
Motivet e kësaj ngjarje të rëndë janë ende të paqarta, ndërkohë që mësohet se të gjithë personat e përfshirë në konflikt kanë qenë në gjendje të dehur.
Dy shtetas të tjerë A.H., 42 vjeç dhe S.S., 34 vjeç kanë marrë plagë të lehta dhe janë shoqëruar në Komisariatin e Policisë Elbasan, për sqarimin e rrethanave.
Gjithashtu raportohet se vrasja me thikë dhe sende të forta e Lamçes ka dy pista, gjakmarrja ose tregtia e kokainës.
Lamçe njihej si person me precedentë penalë. Ai është hetuar edhe për dy plagosje.
Ndërsa vëllai i Florian Lamçes, Olti Lamçe, është i dënuar me 24 vite burg për vrasje. Në vitin 2011 ai vrau pronarin e disko ‘Tekilës’, Almir Canin.
