Një përleshje masive ka ndodhur mes dy shoferëve në një autostradë në Itali. Ngjarja ka ndodhur mbrëmjen e djeshme, ku në grindje janë përfshirë dhe pasagjerët që ndodheshin me ta në makina.
Shoferi i njërës prej makinave, një kosovar 32 vjeçar me banim në Lugano, për arsye që policia ende nuk i ka bërë të ditura ka sulmuar me thikë dy shtetas shqiptarë 34-vjeçarin i cili po ngiste një automjet me targa italiane dhe një 41-vjeçar i cili ishte me të në makinë. Dinamika e sherrit ende nuk është sqaruar. Të dy të plagosurit kanë raportuar lëndimet serioze, por janë jashtë rrezikut për jetën.
Bashkë me agresorin në makinë kanë qenë dhe një 20 vjeçar dhe një 47 vjeçar, të dy shtetas Kosovës që jetojnë në Gjermani, ndërsa në makinën e dytë udhëtonin dhe tre persona të tjerë, një 27 vjeçar, një 20 vjeçar dhe një 23 vjeçar, të gjithë qytetarët shqiptarë që jetojnë në Itali. TIRANA TODAY
