Bashkimi Evropian është i interesuar që Serbia të bëhet sa më shpejtë pjesë e unionit sesa vendet e tjera të Ballkanit Perëndimor. Sigurisht që BE-ja kërkon që Serbia të bëhet pjesë e saj dhe të shkëpus lidhjet me Rusinë. Por debate të forta ka pasur sot në mbledhjen e Komitetit për Politikës së Jashtme për integrimin evropian të Ballkanit është shoqëruar me debate të forta.
Reporteri për Shqipërinë, Knut Fleckenstein, është shprehur i revoltuar ndaj presidentit të Komisionit Europian, Jean-Claude Juncker, për vlerësimin e Serbisë, në raport me Shqipërinë.
Fleckenstein: Unë nuk ndaj të njëjtin mendim me zotin Juncker i cili vendosi dhe një datë për anëtarësimin e Serbisë. Nëse do t’i krahasonim, Shqipëria ka bërë hapa më të dukshme sesa vendet e tjera të Ballkanit perëndimor mbi reformën në drejtësi.
Shqipëria shpreson që këtë vit të hapë negociatat për anëtarësimin në Bashkimin Evropian, ndërkohë që Serbia dhe Mali i Zi mund të marrin datën për anëtarësimin në BE.
Edhe kryeministri Edi Rama është shprehur i pakënaqur ndaj BE-së në disa intervista për media të rëndësishme ndërkombëtare, për vlerësimet në lidhje me Serbinë e Malin e Zi, kundrejt Shqipërisë.
