Ministrja e Shëndetësisë dhe Mbrojtjes Sociale, Ogerta Manastirliu ka bërë me dije se edhe 2 infermierë të tjerë janë shëruar nga koronavirusi.
Përmes një postimi në Facebook, Manastirliu njofton se ka shkuar në 15 numri i mjekëve dhe infermierëve që janë shëruar nga COVID-19.
“Edhe 2️ infermierë janë shëruar pas testit konfirmues nga laboratori i virologjisë në ISHP. Shkon në 15 numri i mjekëve dhe infermierëve të shëruar nga COVID-19”, shkruan ajo në postimin e saj.
Ministria e Shëndetësisë njoftoi se janë konfirmuar 27 raste të reja me COVID-19 në 24 orët e fundit, duke e çuar numrin total të të prekurve në 304.
27 janë rastet e reja në Shqipëri, ku situata më e rëndë shfaqet në Shkodër. Sipas Ministrisë së Shëndetësisë, janë regjistruar 12 raste të reja në 24 orët e fundit.
