Kryetari i Partisë Demokratike ka akuzuar qeverinë për lidhje me krimin. Gjatë fjalës së marrë në Kuvend, Basha tha se ndonëse po tentojnë t’ua mbyllin gojën të gjithëve, duke i blerë me paratë e drogës, ata janë përgjuar dhe nuk kanë shanse t’ua hedhin kollaj.
Kreu i PD-së, Lulzim Basha, ndër të tjera zbuloi se shërbimet partnere i kanë përgjuar duke berë pazare droge. Ndaj, sipas tij, çdo tentativë për t’ia hedhur do të jetë e kotë.
Basha ka akuzuar kreun e grupit parlamentar të PS, Taulant Balla, se është përgjuar nga shërbimet partnere duke bërë pazare garancie në Selanik në lidhje me 3.4 milionë euro që u sekuestruan pak kohë më parë në dy “Toyota Yauris” në Portin e Durrësit. Basha tha se askush nuk ka për të shpëtuar nga përgjimet e shërbimeve partnere.
“Jeni të përgjuar nga shërbimet partnere. Nuk keni për ti shpëtuar dot kësaj. Jeni kapur duke bërë pazar me Bacën në Selanik, se shërbimet tona flenë gjumë. E keni kapur SHISH-in. Të tjerat nuk i kapni dot. Jeni të përgjuar, duke dhënë garanci.
Jua kanë vënë kryqin, por kryqin e madh do ua vënë shqiptarët shumë shpejt”, tha ai.
