Shërbimi dentar është një tjetër hallkë e rëndësishme e zinxhirit të gjerë që plotëson Qendrën e Solidaritetit “Fundjavë Ndryshe”. Njerëzit në nevojë kanë të gjithë hapësirën e duhur, për t’u drejtuar në ambientet e “Fundjavë Ndryshe”, e për të gjetur të gjithë shërbimin e duhur. Kjo nismë që “Fundjava Ndryshe” ka ndërmarrë për njerëzit në nevojë është realizuar falë një investimi nga “Tirana East Gate (TEG)”
Kompanitë e Grupit BALFIN kanë qenë vazhdimisht mbështetëse të “Fundjavës”, duke hedhur hapa të shëndetëshëm e të sigurtë ndaj të gjithë nevojave të qytetarëve.
Së fundmi “Tirana East Gate (TEG)”, ka mundësuar pajisjen e klinikës dentare në Qendrën Shëndetësore “Fundjavë Ndryshe” me të gjitha mjetet e nevojshme për të ofruar shërbimet mjekësore.
Për të gjithë qytetarët të cilët kanë të nevojshme higjienën dentare, tashmë një departament stomatologjie është ndërtuar në këtë qendër shëndetësore. TEG ka menduar për të gjithë qytetarët e zonave përreth qendrës shëndetësore, duke u ardhur në ndihmë.
Menaxheri i qendrës shëndetësore “Fundjavë Ndryshe”, njëkohësisht mjek logopedist, Kalvin Dermyshi tregon më tepër detaje për këtë shërbim të ri të sapo ofruar.
“Në qëndrën shëndetësore “Fundjavë Ndryshe”, ne kemi disa profesionistë të cilët përfshihet mjeku i përgjithshëm patolog, logopedisti, audiologu si dhe stomatologu. Departamenti i Stomatologjisë është i financuar nga Grupit BALFIN, aparaturat si dhe nga fondacioni Mara për pagesën e stomatologut”.
Ky shërbim do t’i vijë në ndihmë të gjithë qytetarëve, ndërkohë për shtresat në nevojë do të mundësohet falas.
“Aktualisht ne po funksionojmë me fëmijët për grupmoshat nga 0-16 vjeç. E japim këtë shërbim. Shërbimi i higjenës dentare si dhe çdo sherbim tjetër këtu në qëndrën shëndetësore ofrohet falas për të gjitha kategoritë e familjeve në nevojë”.
