Është shënuar viktima e parë në Evropë nga koronavirusi. Raportohet, se një turiste kineze, e cila ishte e shtruar në Francë, pasi ishte konfirmuar me virusin Covid-2019 ka ndërruar jetë, duke u cilësuar si viktima e parë jashtë Azisë.
Sipas Ministrit francez të Shëndetësisë, viktima ishte 80 vjecc dhe ishte nga provinca Hubei në Kinë. Ajo kishte mbërritur në Francë në datën 16 janar dhe 9 ditë më vonë ishte vendosur në karantinë, pasi ishte konfirmuar me virusin vdekjeprurës.
Ky është rasti i parë i një viktime jashtë Azisë. Deri tani janë raportuar vetëm tre vdekje jashtë Kinës. Rasti i parë është shënuar në Filipine, pastaj Hong Kong dhe së fundmi në Japoni.
Në Francë ka 11 raste të konfirmuara me koronavirus.
