Maqedonia e Veriut ka regjistruar sot 2 viktima të tjera nga koronavirusi.
Bëhet fjalë për një burrë të moshës 68 vjeç nga Tetova dhe një burrë të moshës 70 vjeç nga Kumanova.
Ministria e Shëndetësisë në Maqedoni bëri me dije se të dyja viktimat vuanin nga sëmundje kronike. Kështu shkon në 13 numri total i viktimave nga COVID-19 në shtetin fqinj.
Në 24 orët e fundit janë regjistruar edhe 46 raste të reja me koronavirus, duke e çuar në 430 numrin total të të infektuarve.
Bëhet me dije se mes të infektuarve janë edhe 11 punonjës në spitalin e Kumanovës:
- 3 prej të infektuarve janë nga reparti i rëntgenit,
- 3 janë nga reparti i kirurgjisë,
- 1 infermiere nga reparti i gjinekologjisë
- 1 ndihmës dhe 1 mjek specializant nga reparti infektiv
Shkupi regjistron numrin më të madh të rasteve (208), më pas vjen Kumanova (85), Dibra (49) dhe Prilepi (22).
