Ish-deputeti demokrat, Tritan Shehu, ka reaguar pas lajmeve të djeshme të cilat raportonin se presidenti i Serbisë, Aleksandar Vuçiç, kishte folur për krijimin e një ‘Shengeni të vogël’ mes Shqipërisë, Serbisë dhe Maqedonisë së Veriut.
Përmes një postimi në Facebook, Shehu e komenton ashpër duke e cilësuar këtë si ëndrra për ‘Jugosllavinë e Re’. Sipas tij, kjo teori është e rrezikshme, teksa shprehet se kryeministri Rama do të manipulojë shqiptarët se ky ‘Shengen’ do të zëvendësojë BE-në.
“Kjo deklaratë aventureske e Ramës vjen mbas goditjes që i dha atij Bundestagu edhe për çështjen e kufijve e kërkon të mashtrojë shqiptarët se ky “Shengen” mund të zëvendësoje për neve BE-ne, apo se integrimi do të jetë kolektiv e jo sipas standardeve të çdo vendi”, shkruan ndër të tjera Shehu.
Postimi i plotë:
“Shengeni Ballkanik” i Rama-Vucic, endra e “Jugosllavise se Re”, na largon nga Europa.
Rama- Vucic ne dakordesi per nje “Shengen” te Ballkanit ringjallin nje teori te vjeter e te rrezikeshme vecanerisht per shqiptaret, e perputheshme kjo me endrat e Serbise, e sponsorizuar nga politika skeptike europiane per Rajonin, nga forca te brendeshme jo europeiste, si dhe nga shtete lindore prezente ne kete hapesire, qe per interesat e tyre duan ta mbajne ate jashte BE.
Kjo deklarate aventureske e Rames vjen mbas goditjes qe i dha atij Bundestagu edhe per ceshtjen e kufijeve e kerkon te mashtroje shqiptaret se ky “Shengen” mund te zevendesoje per neve BE-ne, apo se integrimi do te jete kolektiv e jo sipas standarteve te cdo vendi.
E vetmja e ardhme per ne eshte te koncentrohemi secili e si Rajon ne perbushjen e standarteve europiane, te cilat ne procesin e integrimit do te na bashkojne me Europen, do te cvleresojne kufijte tane dhe do te na afrojne ngushtesisht me njeri tjetrin si pjese e BE e jo si e nje tjetre Jugosllavie.
Nqs Rama me Vucic, kerkon ta ktheje kete “inisiative” edhe ne nje hakmarje apo kercenim per Europen, ai vecse na kujton Don Kishotin duke i bere te gjithe te gajasen, por nderkaq po demton rende interesat tona me te medha kombetare.
Ky skenar Rama-Vucic, antishqiptar e anti europeist, si ai Enver-Tito dikur, duhet ndalur.
