Bashkia e Tiranës ka nisur punën për shembjen e godinës nr.15 në Qytet Studenti, e cila u vlerësua e pabanueshme pas tërmetit të 26 nëntorit.
Mësohet se shembja e godinës po bëhet me fadromë dhe jo eksploziv. Kjo është ndërmarrë si masë në mënyrë që të mos ketë dëmtime të banesave tjera që ndodhen përreth.
Godina nr.15 ka më shumë se 20 vite që banohet nga familje të cilat i paguanin qira vjetore shtetit. Bëhet me dije se në këtë godinë jetonin 95 familje, të cilat janë nxjerrë me forcë nga godina pas vendimi të Bashkisë për shembjen e objektit.
