Grupi i futbollit të Mançester Sitit i ka shtuar edhe klubin e 11-të portofolit të skuadrave që ka në pronësi.
Gjigantët e futbollit bolivian, Bolivar, skuadra e kryeqytetit La Paz, është bërë pjesë e klubeve që ka në zotërim sheiku Mansur, duke e shtrirë akoma më shumë gjeografinë e tyre në Amerikën e Jugut.
Klubet në pronësi të tij janë: Mançester Siti (Angli), Girona (Spanjë), Melburn Siti (Australi), Nju Jork Siti (SHBA), Mumbai (Indi), Siçuan Jiuniu (Kinë), Montevideo Siti Torkue (Uruguai), Jokohama F. Marinos (Japoni), Lomel SK (Belgjikë) dhe Troje (Francë).
Ndërkohë, disa ditë më parë, heiku Mansur, ka blerë në mënyrë sekrete trofeun më të vjetër që ka mbijetuar nga kompeticioni më i vjetër i futbollit në botë, Kupës FA, për 760 mijë paund.
Kjo kupë ishte ekspozuar në Muzeun e Historisë së Futbollit dhe Mansur ka vendosur që ta lërë atje.
