Mbrëmjen e djeshme, Deutsche Welle i kushtoi një shkrim ish-ministrit të Brendshëm, Saimir Tahirit, ku thuhej se ky i fundit zhduku drogën në Lazarat, por më pas u mboll në të gjithë vendin.
Në lidhje me këtë ka ardhur reagimi i ish-deputetit të PD-së, Tritan Shehut, i cili deklaron se ndërhyrja në Lazarat nuk shënon një aksion në luftën kundër kanabisit.
Përmes një postimi në Facebook, Shehu shprehet se Lazarati ishte vetëm një alibi e përgatitur në funksion të strategjisë kriminale shtetërore të kthyerjes se vendit në “Republikën e Kanabisit”.
“Në fakt në Lazarat u goditën fshatarët e thjeshtë, jo banditët e vërtetë, ata do të përdoreshin më tej në kanabizimin e vendit, që u drejtua pikërisht nga stukturat shtetërore, të cilat duhej ta ndalonin atë, në bashkëpunim me grupet kriminale (dhe me ata që vepronin më parë në Lazarat), duke i detyruar kultivuesit t’u paguanin 10-15 E për bimë”, shkruan ndër të tjera ish-deputeti.
Postimi i plotë:
Egersia mbi Lazaratin, preludi i kanabizimit te Shqiperise.
Une e kam theksuar prej kohesh se u be mire qe u ndalua kultivimi i kanabisit ne Lazarat, kam denuar cdo krim qe u krye aty, por thelbi i te vertetes qe ndodhi atje eshte krejt ndryshe nga cfare po kerkohet te paraqitet sot prej disave.
Ajo “goditje” ne Lazarat nuk shenon nje aksion ne luften kunder kanabisit, por ishte vetem nje alibi e pregatitur ne funksion te strategjise kriminale shteterore te kthyerjes se vendit ne “Republiken e Kanabisit”, sic e quajta une qe atehere.
Lazarati ky fshat i vogel, banoret e tij paqesore u agresuan ne nje menyre te tej skajeshme, pompoze, jo propocionale, vecse per te krijuar imazhin e reme te vullnetit qeverises per te ndaluar kultivimin e kanabisit, gje qe do te perdorej me tej si nje mjegullnaje per te fshehur vepren me kriminale, kanabizimin e organizuar te te gjithe Shqiperise.
Ne fakt ne Lazarat u goditen fshataret e thjeshte, jo banditet e vertete, ata do te perdoreshin me tej ne kanabizimin e vendit, qe u drejtua pikerisht nga stukturat shteterore, te cilat duhej ta ndalonin ate, ne bashkepunim me grupet kriminale (dhe me ata qe vepronin me pare ne Lazarat), duke i detyruar kultivuesit tu paguanin 10-15 E per bime.
Si pasoje kjo Rilindje mbushi shpejt me kanabis ne fillim Jugun e pastaj vendin ne terresi, nje nga veprat me te erreta kriminale e me pasoja te pa llogariteshme ne dimensione e kohe kjo per Shqiperine, duke u fshehur mbas Lazaratit.
Kjo eshte e verteta tragjike e asaj qe ndodhi, gje per te cilen deri me sot askush nuk po pergjigjet.
