Kryetari i LZHK, Dashamir Shehi e ka konsideruar një sukses vendimin e opozitës për të djegur mandatet.
I ftuar në “Report Tv”, Shehi ka thënë ndër të tjera se arritja e vetem e kreut demokrat Basha ka qenë pikërisht zgjedhja për të dalë nga Parlamenti.
“Ne nuk duam të hyjmë në sistem politik. E quajmë sukses që kemi dalë nga parlamenti. Nëse do i përmblidhja një sukses zotit Basha është ky vendim ekstrem për të dalë nga parlamenti”, deklaroi Shehi.
Po ashtu, ish-deputeti ka folur dhe për krijimin e partisë më të re “Bindja Demokratike”, ku ndryshe nga kolegët e tij, Shehi i uron “mirë se ardhje”, por nuk është dakord me kohën kur kjo parti shpalli krijimin e saj.
“Uroj që t’i shtojë spektrit opozitar një imazh më shumë, një kontribut më shumë. Nga kjo pikëpamje, i them “mirë se vini”, ndryshe nga kolegët e mi që e anatamojnë. Do jenë opozitar apo jo? E vërteton koha. Dita që e shpallën nuk është shumë e këndëshme…ditën që del PD, hyn këto. Më e besueshme do ishte nëse do e kishin shpalllur më herët, që shqiptarët ta kishin marrë me kohë vesh se cili është programi i tyre”, u shpreh Shehi.
