Kreu i LZHK-së, Dashamir Shehi, ka thënë se opozita do të jetë e bashkuar për aq kohë sa do të jetë Rama në pushtet. Aksioni i opozitës së bashkuar për të rrëzuar “qeverinë Rama”, është drejtuar nga kreu i PD-së, Lulzim Basha. Në të gjithë protestat, që nga 16 shkurti, deri tek ajo e fundit, më 8 korrik, figura kryesore ka qenë kryedemokrati Basha.
I pyetur në studion e “Report Tv”, nëse duhet të jetë Basha ai që drejton aksionin opozitar dhe mes të tjerave edhe PD-në, Shehi e cilësoi si më të “pranueshmin”.
Shehi: Z. Basha mund t’i ketë të gjitha defektet e veta, por unë e shikoj brenda harkut opozitar si më të mirin e pranueshëm.
Më i miri se s’ka të tjerë PD-ja?
Shehi: Po sigurisht…
…Se i hoqi të gjithë të tjerët….
Shehi: Jo, këtë se them, kur të vish te LZHK-ja më pyet, ato janë çështje të brendshme.
