Koronavirusi i ka dhënë goditjen e rëndë Kinës. Për herë të parë në disa dekada, ekonomia e Kinës u tkurr në tremujorin e parë të këtij viti. COVID-19 ka detyruar bizneset dhe fabrikat të mbyllen.
Duke iu referuar të dhënave të publikuara të premten, ekonomia e dytë më e madhe në botë u tkurr me 6.8 për qind.
“Tkurrja e bruto prodhimit të brendshëm në periudhën janar-mars, do të përkthehet në humbje të përhershme të të ardhurave.
Në falimentime të kompanive të vogla dhe humbje të vendeve të punës”, tha Yue Su, nga Njësia e Inteligjencës Ekonomike në Kinë.
Kujtojmë këtu se Wuhan-i, epiqendra e shpërthimit të Covid-19, ka rishikuar numrin e të infektuarëve dhe viktimave. Ndryshimi në të dhënat zyrtare, ka ngritur akoma më shumë dyshime mbi mos transparencën e qeverisë kineze.
