Shefi i ri i Shtabit të Përgjithshëm të Forcave të Armatosura, Bajram Rushit Begaj u betua sot para presidentit Meta, njëkohësisht Komandant i Forcave të Armatosura të Republikës së Shqipërisë.
Pas ekzekutimit të himnit kombëtar dhe leximit të dekretit të emërimit, Gjeneral Major Begaj duke vënë dorën mbi Kushtetutë, u zotua para Presidentit Meta se:
“Betohem se do t’i bindem Kushtetutës e ligjeve, do t’i shërbej me ndershmëri vendit tim dhe do të mbroj interesat e Republikës së Shqipërisë.”
Duke i dorëzuar dekretin e emërimit, kreu i shtetit i uroi Shefit të Shtabit të Përgjithshëm punë të mbarë dhe suksese në detyrën tepër të rëndësishme në drejtimin e Forcave të Armatosura shqiptare.
Në ceremoninë e betimit ishte e pranishme edhe ministrja e Mbrojtjes, Olta Xhaçka.
