Sekretari i Përgjithshëm i NATO-s, Jens Stoltenberg deklaroi se Shqipëria luan një rol shumë të rëndësishëm në stabilitetin dhe paqen e rajonit.
Në një konferencë për media pas takimit me presidentin Ilir Meta, Stoltenberg u shpreh se NATO po investon për bazën e re ajrore në Shqipëri. Ndërsa theksoi se vitin tjetër, vendi ynë do të marrë një rol të rëndësishëm në sigurinë botërore, në OSBE.
“NATO po realizon një bazë të re në Shqipëri, që do forcojë sigurinë në vendin tuaj. Vitin tjetër Shqipëria do marrë rol të rëndësishëm në sigurinë botërore, në OSBE. Është jetike.
Bashkëpunimi i NATO me OSBE është shumë i rëndësishëm. Gjatë takimit diskutuam dhe rëndësinë e ndarjes së barrës me aleancën. Shqipëria ka investuar më shumë në mbrojtje. Diskutuam dhe situatën në Ballkanin Perëndimor. Falënderoj Shqipërinë në rolin e dhënë në rajon për stabilitet dhe paqe. Shqipëria është një avokat i fortë për anëtarësimin e vendeve të tjera për në NATO”, deklaroi kreu i NATO-s.
